تحضيرات سريعه ونصائح رمضانية لكل ست بيت تطبخ برمضان وتبغا توفير الوقت والجهد بالمطبخ

السلام وعليكم ورحمة الله وبركاته

كيفكم ياحوائيات وكل سنة وانتم طيبين بمناسبة قرب قدوم رمضان >>مابقيله شي الله يعيده علينا وعليكم بالخير والبركات

طبعن المشكلة الاساسية الكل يعاني منها كثرة الشغل برمضان وقصر الوقت ولقيت انو السبب الرئيسي هو المطبخ دافنين حالنا فيه

راح اقولكم كبداية ليش سنين ماحسيت فيه الا دحين

امي موظفة والحمدالله طباخة ماهرة ولما كنا صغار امي علمت شغالتنا الطبخ على اصوله لدرجة امي صارت مشرفه فقط وجلست خدامتنا الحبيبة الله يجزاها

خير تخدمنا ل 14 سن

شايلة المطبخ كلو على راسها

للامانة هيا تحب الطبخ

السنة ذي سافرت خروج نهائي لظروف عائلية عندها ماتقدر ترجعلنا وامي سوت عملية برجلها الاتنين وممنوعه من الوقوف يعني الحمد الله على كل حال

طبعن انا مسئولة على المطبخ حاليا وانا تعبت بالبداية بس راح اقولكم كيف اتغلبت على المشكلة وخصوصن برمضان ولقيت حلول ان شاء الله تفيدكم وماتكون

مكررة وابغا دعواتكم لامي
نيجي للحلول

راح اتكلم كبداية عن الالات اللي المفروض تكون بمطبخ كل ست بيت سواء برمضان او غير رمضان طوال السنة يعني

اول جهاز:
محضر الطعام براون ملتي كويك 5 اللي زي حقت الشيف اسامه ريحتني كتيررر فيها وظائف عديدة زي الفرم -الهرس الخلط- الخفق –البشر بثلاث احجام

مختلفة وتقطيع حلقات دائريه للبصل وغيره من الخضروات

تعتبر دراعي اليمين بالمطبخ شايله 50 الى 60 بالمية من مدة التقطيع للتحضير الطبخة

يعني راح اعطيكم مثال عشان تفهموني

لو ابغا اسوي صينية بطاطس حلقات باللحم المفروم محمرة بالفرن

خلال دقيقة قطعت اكثر من 5 بطاطس كبار شرائح متناقسة الحجم

و3 ثواني بصل مفروم

5 ثواني عصير طماطم

6 ثواني فرم البلقدونس والكزبرة والنعناع عشان اللحمة

بينما لو بالتقطيع بالسكين اجلس من 30 الى 45 دقيقة عشان بس اقطع خضار الطبخه !!!!!!!!!!عشان معاناة مع البصل والدموع

وقيسو عليها بقية طبخاتكم

بالنسبة للشوربات في انواع زي شوربة الفطر وشوربة العدس وشوربة الصينية بالدجاج المفتت والذرة تحتاج لخلاط كهربائي براون فيها ملحق الهرس تركبيه زي

العصاية وبدل ماتجيبي القدر وهوا حار للخلاط التقليدي لاء براون بنفسها تيجي للقدر الحار وتهرس الشوربة بدون أي خطورة انها تطرطش او لاسمح الله انك

تحركي القدر من مكان لمكان كمان العصيرات الفرش اجيب الفواكه واقطعها بنفس الجك اللي حاقدم فيه واجيب الملحق حق الهرس وادخله بوسط الجك

واهرس الفواكه ثواني وسار عصير عصير بدل الخلاط التقليدي المتعب

السعر اخدتها من الوكيل ب 400 ريال والصناعه بولندي تجميع بولندي مو صيني زي اللي بيعملو عروض عليها بالماركتات

يعني حتفيدكم مو بس لرمضان لجميع الاوقات

ثاني جهاز :

قدر الضغط محا ننسا قد ايش يختصر عليكي سلق اللحمة بدل مااسلق اللحمة 60 دقيقة الى75دقيقة عشان تنضج مع الضغط 30 الى 35 بالكثير وقيسو بقية

طبخاتكم زي المحاشي وورق العنب والدجاج
ثالث جهاز:

الغلاية :مهمة عند الطبخ يعني باقل من دقيقة اكون حصلت على ماء مغلي بدل مااحط البراد التقليدي لعشر دقايق او اكثر اذا كانت الموية كثير وانتو عارفين

رمضان يكثر استخدام الماء المغلي لطبخ الشوربة والقهوة والخ مو معقول اجلس 10 دقايق بس عشان استنا موية تغلي والوقت يمر وانتو عارين برمضان كل
دقيقة تكون مهمه

رابع جهاز :

الماكرويف مهم للتسخين وخصوصن للناس اللي يفرزنو

خامس جهاز :
العجانة راح تختصر الوقت والجهد الكثير ولمعلومكم العجينة بالعجانة تيجي احسن بالطعم والخبز والشكل من اليدوي يعني عجينة الكنز لماتجريبها يدوي مو زي

الالة اسالو اللي عندهم عجانات كيف تطلع عجينة فطايرهم زي المحلات وطبعن احنا نبغا نختصر الوقت والجهد ونبغا الجودة

لحد الان ماعندي عجانة بس ان شاء الله اشتريها

سادس جهاز :
الفرادة حقت العجين ودي عندي بس يدوي مو كهربائي

صراحة مااعرف افرد عجين سمبوسة الابيها

تختصر وقت وجهد يعني العجين لما يتخمر يقسم الى كور متساوية لماابداء افرد الكورة الواحدة تطلع معايا فرد طولي وانا اختار سماكة الفرد خفيف ولا متوسط

يعني تطلعلي على الرخام عجينة رفيعه على طول الرخام وبنفس الوقت احط الحشوة واقلبها زي البطانية واقطعها سار بف بدقايق جهاز الحمدالله الالة دي

ريحت ناس كتير
خلصنا من الالات والاجهزة

راح نتكلم عن المواد الغذائية اللي حتريحك طول السنة سواء برمضان او غيره
المواد الغذائية السهلة التحضير :

البشاميل :

الكل يعاني من تحضير البشاميل متعب وبياخود وقت انا لقيت بالسوبر ماركت خلطة البشاميل حقت كنور جدا رائعه زي حقت المطاعم بدون ماتضيفي ملح لان

الملح فيها فقط حليب بارد الباكيت الواحد يبغاله 2 كوب حليب بارد واضيفي ملعقة الشاي بهارات ايطالية او اوريغانو وحتدعولي دقايق بسيطة الا البشاميل

جاهز زي حق المحترفين

الدجاج :

في دجاج ينباع بالسوبر ماركت مقطع الى ارباع ومحطوط بصحون ماعليكي الا انك تغسلية وتسلقيه يوفر عليكي 10 دقايق حقت التقطيع

صلصة البيتزا:

انا استخدم صلصة جاهزة تنباع حقت شركة فرشلي وكمان شركة ايطالية مااعرف اسمهاالمهم طعمها مقارب لبيتزا هت ماعليكي الاانك تدهني بيتزك فيها

ولقيت صلصات المكرونات واللزانيا جاهزة ماعليكي الا اضافتها للحم والطعم جدا رائع زي حقون المطاعم

صلصات وتتبيلات السلطات :

شركة فرشلي وقودي وكنوروغيرها ماخلو شي كل شي منزلين له خلطة بقارورة محكمة الاغلاق
الخضار :

البازيلاء والجزر المكعبات والفاصوليا استخدمي المجمدة وبالنسبة للخضروات الورقيه تغسل وتفرم زي البقدونس والكزبرة وتفرز باكياس شفافة وبعض

الهايبرماركت تلاقي عندهم جزر مقشر ومكيس وكوسة محفرة اوالورق عنب مغسل ومسلوق ومكيس والبامية مكيسة بس موكل الهايبرات للاسف انتي

وحظك
دحين نيجي للتحضيرات المسبقة لرمضان اعاده علينا وعليكم بالخير ان شاء الله :

1- نلف سمبوسات بالرقاق الجاهز زي المثلث والسجاير والسبرنق رول والمطبق ونكيسها بالعدد ونكتب مثال

كل عشرة سنمبوسات سجاير بكيس ونكتب من برا سجاير باللحم او الجبن او الخضار ...الخ واي شي تحبي تفرزنيه من الكفتات والكبة

2- نطحن كمية كبيرة من الهيل ونضعه بعلبة محكمة الاغلاق عشان مانفقد ريحته

3- نقلي مكسرات الحلويات والرز الكوزي والعربي مثل الصنوبر والزبيب واللوز وشي نخليه صحيح وشي نطحنه للحلويات

4- الشيرة نعمل كمية كبيرة منها بشعبان واحتفظي بيها بعلبة عشان تستخدميها في سقي حلوياتك لاتستهونو بالشيرة انا قلت لقريبتي انا اعمل الشيرة

قبل رمضان استهونت بالموضوع تقول هيا كل يوم بيومه بصراحه اشوفو غلط البوتجاز بنهار رمضان يكون حار وساخن مزحوم قدور مو معقول اسوي شيرة فرضا لا

سمح الله انكب الشيرة خطيرة زي الزيت بالنسبة يكفي البوتجاز ساخن من حرارة الصيف وقدر الشوربة ومقلاة الزيت اعتقد يكفي كده مو ناقص قدر شيرة

5- البسكوت ينطحن وكل باكيت بكيس عشان الوصفة مثلا مكتوب فيها 2 باكيت بسكوت مطحون حتاخدي كيسين وعلى كدا قيسي

6- البهارات لازم نتاكد منها سواء الصحيحة او المطحونة ونكتب على العلب من برا اسم البهار عشان يسهل عليكي وعلى اللي يساعدوكي

7- العصير نسويه بجك المويه حق الرحلات واحطه بالتلاجة وكل ماخلص الجك حق التقديم اعبي من المخزون اللي بالبتلاجة

8- نطحن السكر بكمية تكفيكي لحلوياتك كل واحده ادرى بنفسها انا عن نفسي استخدم علبة الكرافت السائلى الكبيرة واعبيها سكر مطحون

9- البصل الشرائح المحمس اقليه وله استخدامات كتير برمضان للكشري وحراق اصبعه وغيره ويتفرزن

10- البصل يقشر ويكيس بالثلاجة والثوم يقشر ويكيس بالثلاجة بس ماافرمه الا وقت الطبخ لان البصل يفقد خواصة بعد التقطيع وكذلك الثوم ويقشرالجزر كمان

11- عيش الفتوش يقطع ويقلي ويكيس ويفرزن للسلطات

12- عصير الليمون المركز انا اشتريه من الماركت يوفر عليا العصر ومهم للتتبيلة اللحوم والسلطات

وان شاء الله استفدتو محتاجة دعواتكم وسامحوني لو نسيت شي ماكتبته

والله غار مرسي ليك نسرين
وربي يشفي ماماتك ويخليها ليكم وتبقى تاج فوووق روسكم انشاء الله متشوووف شر
تحضيرات سريعه ونصائح رمضانية لكل ست بيت تطبخ برمضان وتبغا توفير الوقت والجهد بالمطبخ 880043270

تحضيرات سريعه ونصائح رمضانية لكل ست بيت تطبخ برمضان وتبغا توفير الوقت والجهد بالمطبخ 880043270

موضوع: تسلمي حبيبتي الأحد مايو 05, 2013 8:10 pm

تسلمي حبيبتي على تحضيرات الراقية لشهر الكريم الله يحفظلك امك من كل شر وخليها تاج عللى رؤسكم كل تحضيرات لابد من التزامها وهي اكيد مهمة في رمضان تسلمي ويعطيك الف لاعافية شكرا ليالامك واليك والله يخلينا لرمضان الجاي بخير الله يحميك ويسعدك